[21] กุสโล อนุปาทินฺนุปาทานิโย ธมฺโม กุสลสฺส อนุปาทินฺนุปาทานิยสฺส ธมฺมสฺส เหตุปจฺจเยน ปจฺจโย… ตีณิฯ

อกุสโล อนุปาทินฺนุปาทานิโย ธมฺโม อกุสลสฺส อนุปาทินฺนุปาทานิยสฺส ธมฺมสฺส เหตุปจฺจเยน ปจฺจโย… ตีณิฯ

อพฺยากโต อนุปาทินฺนุปาทานิโย ธมฺโม อพฺยากตสฺส อนุปาทินฺนุปาทานิยสฺส ธมฺมสฺส เหตุปจฺจเยน ปจฺจโยฯ (1)

[22] กุสโล อนุปาทินฺนุปาทานิโย ธมฺโม กุสลสฺส อนุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย… ตีณิฯ

อกุสโล อนุปาทินฺนุปาทานิโย ธมฺโม อกุสลสฺส อนุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย… ตีณิฯ

อพฺยากโต อนุปาทินฺนุปาทานิโย ธมฺโม อพฺยากตสฺส อนุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย… ตีณิฯ (สํขิตฺตํฯ)

[23] เหตุยา สตฺต, อารมฺมเณ นว, อวิคเต เอกาทสฯ (สํขิตฺตํฯ)

(ยถา กุสลตฺติเก ปญฺหาวารํ เอวํ วิตฺถาเรตพฺพํฯ)

[24] กุสลํ อนุปาทินฺนอนุปาทานิยํ ธมฺมํ ปฏิจฺจ กุสโล อนุปาทินฺนุปาทานิโย ธมฺโม อุปฺปชฺชติ เหตุปจฺจยาฯ (1)

อพฺยากตํ อนุปาทินฺนอนุปาทานิยํ ธมฺมํ ปฏิจฺจ อพฺยากโต อนุปาทินฺนอนุปาทานิโย ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ทฺเว, อวิคเต ทฺเวฯ (สํขิตฺตํ, สหชาตวารมฺปิ…เป.… ปญฺหาวารมฺปิ สพฺพตฺถ วิตฺถาโรฯ)

1-4. กุสลตฺติก-สํกิลิฏฺฐตฺติกํ

1-7. ปฏิจฺจวาราทิ

ปจฺจยจตุกฺกํ

[25] อกุสลํ สํกิลิฏฺฐสํกิเลสิกํ ธมฺมํ ปฏิจฺจ อกุสโล สํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยาฯ (สํขิตฺตํฯ)

เหตุยา เอกํ…เป.… อวิคเต เอกํฯ (สํขิตฺตํฯ)

(สหชาตวาเรปิ…เป.… ปญฺหาวาเรปิ สพฺพตฺถ เอกํฯ)

[26] กุสลํ อสํกิลิฏฺฐสํกิเลสิกํ ธมฺมํ ปฏิจฺจ กุสโล อสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา… ตีณิฯ

อพฺยากตํ อสํกิลิฏฺฐสํกิเลสิกํ ธมฺมํ ปฏิจฺจ อพฺยากโต อสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยาฯ (1)

กุสลํ อสํกิลิฏฺฐสํกิเลสิกญฺจ อพฺยากตํ อสํกิลิฏฺฐสํกิเลสิกญฺจ ธมฺมํ ปฏิจฺจ อพฺยากโต อสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยาฯ (1)

[27] เหตุยา ปญฺจ, อวิคเต ปญฺจฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาโรฯ)

[28] กุสลํ อสํกิลิฏฺฐอสํกิเลสิกํ ธมฺมํ ปฏิจฺจ กุสโล อสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยาฯ (1)

อพฺยากตํ อสํกิลิฏฺฐอสํกิเลสิกํ ธมฺมํ ปฏิจฺจ อพฺยากโต อสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

เหตุยา ทฺเว…เป.… อวิคเต ทฺเวฯ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ วิตฺถาเรตพฺพํฯ)

1-5. กุสลตฺติก-วิตกฺกตฺติกํ

1-7. ปฏิจฺจวาราทิ

ปจฺจยจตุกฺกํ

เหตุปจฺจโย

[29] กุสลํ สวิตกฺกสวิจารํ ธมฺมํ ปฏิจฺจ กุสโล สวิตกฺกสวิจาโร ธมฺโม อุปฺปชฺชติ เหตุปจฺจยาฯ (1)

อกุสลํ สวิตกฺกสวิจารํ ธมฺมํ ปฏิจฺจ อกุสโล สวิตกฺกสวิจาโร ธมฺโม อุปฺปชฺชติ เหตุปจฺจยาฯ (1)